Дома Фудбал Лига на шампиони Интересни факти: Кој е фаворит во Лигата на шампиони?

Интересни факти: Кој е фаворит во Лигата на шампиони?

0

Денес беа извлечени четвртфиналните парови и беше направен целиот „костур“ до финалето од Лигата на шампиони.

Манчестер Јунајтед ќе излезе на мегдан со Барселона, Манчестер Сити во англиското дерби ќе се соочи со Тотенхем, додека пак Ливерпул и Јувентус ќе имаат фаворитска улога против Порто и Ајакс.

Јувентус – Ајакс

– Кога е во прашање овој дуел има еден исклучително инетерсен факт. Ајакс никогаш не успеал да го победи Јувентус во Лигата на шампиони – имаат четири порази и едно реми.


Следете го Sportski.mk и на


– Ова ќе биде прв меч за овие две екипи во елиминациската фаза уште од полуфиналето кое го играа во 1996 година, кога Јувентус победи со вкупни 6:2.

– Роналдо во Лигата на шампиони има постигнато седум гола против Ајакс, а повеќе постигнал единствено против Баерн (девет) и против својот секашен клуб Јувентус (десет).

– Масимилиано Алегри никогаш во кариерата не го победил Ајакс, против холандскиот гигант има три ремија и еден пораз.

Ливерпул – Порто

– Ливерпул никогаш не загубил од Порто, имаат три победи и три ремија.

– Ливерпул секогаш одел во следната фаза кога за противник имал клуб од Португалија.

– Садио Мане својот единствен хет-трик за Ливерпул го постигна токму против Порто во Лигата на шампиони.
– Порто мината сезона беше елиминиран токму од Ливерпул со вкупен резултат 5:0.

Тотенхем – Манчестер Сити

– Ова е прв меѓусебен дул во Европа помеѓу Тотенхем и Манчестер Сити.

– Манчестер Сити минатата сезона од Лигата на шампиони беше елиминиран токму од англиски тим – Ливерпул.

– Последните три натпревари помеѓу овие два тима завршија со победа на Манчестер Сити.

Манчестер Јунајтед – Барселона

– Ова ќе биде прв дуел на овие два тима уште од финалето кое го играа во 2011 година кога Барселона победи со 3:1.

– Манчестер Јунајтед никогаш не победил на „Камп Ноу“ против Барселона. Имаат два порази и две ремија.

– Барселона има загубено само две од 41 домашни натпревари против англиски клубови. Имаат дури 27 победи, 12 ремија и 2 порази, а и двата се од Ливерпул.

– Лео Меси има постигнато 22 гола во ЛШ против англиски клубови. Тоа е повеќе од било кој друг фудбалер во ова натпреварување.

– Ова ќе биде прв пат Солскјер да доаѓа на „Камп Ноу“ како играч или тренер уште од 1999 година кога играше финале во ЛШ.

Advertisements
Прочитајте поврзани статии
Load More In Лига на шампиони

Проверете

Кек: Македонија е многу активна и воиграна

Македонската фудбалска селекција вечерва на гостувањето кај Словенија освои значаен бод во…