Напаѓачот на Лацио Чиро Имобиле оваа сезона игра во неверојатна форма и во Серија А веќе стигна до бројката од 26 гола.
Имобиле во првенството одигра 24 натпревари и постигна дури 26 гола и го предводи Лацио кој е на само бод од лидерот Јувентус. Лацио последен пат Скудетото го освои во 2000 година.
Италијанскиот голгетер сега ја истакна одличната атмосфера во клубот како една од причините за успехот кој го остварува клубот од Рим.
„На сите им е јасно дека сите во клубот имаме одлични односи. Играњето за Лацио на Олимпико носи неверојатна емоција во секоја натпревар“, изјави Имобиле, а потоа откри какви односи има со одредени соиграчи.
„Лазари повеќе не ми е возач бидејќи слабо ги познава улиците во Рим и морав да му дадам отказ. Луис Алберто ме познава повеќе од мојата жена, секогаш знае каде сум на теренот. Кореа и Каиседо се одлични пријатели и соиграчи, а „наредникот“ Милинковиќ-Савиќ е многу силен играч“, со насмевка зборуваше Имобиле.
Учество во игри на среќа е дозволено за лица со 18+ години. Играј одговорно!