Играчот на Јувентус за моментот кога дознал дека е позитивен на Ковид-19: Се плашев за мојата бремена девојка

Фудбалерот на Јувентус, Даниеле Ругани зборуваше за моментите кога му бил потврден коронавирусот.

Ругани беше првиот играч во Серија А кај кого беше потврден овој вирус. Сега се чувствува добро, меѓутоа на почетокот бил исплашен.

„Се чувствувам добро и расположено поминав низ чуден месец, но најважно е дека се помина добро. Се започна со страв кога ги слушнав вестите. Се плашев да не го пренесам вирусот на мојата бремена девојка“, раскажа Ругани за „Скај“.

Со цел да ги заштити ги послушал препораките и немал контакт со никој.

„За да бидат сите околу мене безбедни веднаш се повлеков во изолација, тоа беше најкоректно кон сите. Морам да им се заблагодарам на докторите за професионализмот и вештината да не ослободат од стравот“, изјави Ругани.

Ќе потсетиме во Јувентус освен Ругани коронавирусот беше потврден уште кај Дибала и Блез Матуиди.