Ибрахимовиќ: Тажен сум кога го гледам ваков Милан

Италијанскиот гигант Милан веќе неколку сезони не е на врвот на италијанскиот и европскот врв, а „росонерите“ и оваа сезона ја отворија лошо.

По повод кризата во миланскиот клуб, се огласи и екс-играчот на „црвено-црните, Златан Ибрахимовиќ.

„Тажен сум што го гледам Милан во ваква ситуација. Сите знаеме каде му е местото на овој клуб. За Милан треба да играат најдобрите играчи на светот, но во овој момент тоа не е така. Само со сериозни инвестиции може да се постигне нешто во овој момент. Мислам дека тоа е единственото решение. Без пари нема да добиете квалитет“, изјави Ибрахимовиќ.

Швеѓанецот потоа се осврна на соработката со Карло Анчелоти и изјави дека жали што работел само една година со него.

„Имам многу добри односи со Карло. Тој е одличен тренер и пред се многу добар човек. Имав среќа да го познавам како човек и да работам со него. Жал ми е што нашата соработка траеше само една година. Би сакал повеќе време да работам со него, бидејќи заедно добро се сложувавме“, истакна Ибра.