Зидан има огромни проблеми: Само четворица фудбалери не биле отсутни сезонава

Во средата тешка повреда кај Реал заработи 19 годишниот бразилски напаѓач Родриго.

Бразилецот беше изнесен на носилки во 35. минута од натпреварот. Шампионот на Шпанија подоцна преку соопштение објави дека станува збор за повреда на бутниот мускул. Ова значи дека Родриго ќе пропушти дури 21 натпревар.

Сезонава Зидан има навистина големи проблеми што поради повреди, што поради коронавирусот. Имено, само четворица играчи на Зидан му биле на располагање во сите натпревари.

Двајцата голмани, Куртоа и Лунин, Менди и Варан биле фудбалерите кои немаа корона и не се повредија. Сите останати играчи на Реал во одреден период беа надвор од терените. Позитивни на коронавирус беа Маријано Диаз, Касемиро, Јовиќ и Милитао.

Во новата година Реал првиот натпревар го игра против Елче на гости.