Заврши љубовта помеѓу Кедира и Јувентус

Иднината на Сами Кедира во Јувентус е под знак прашалник и покрај фактот што Германецот има договор со „старата дама“ до 2019 година.

Италијанските медиуми тврдат дека голема е веројатноста на крајот на сезоната Кедира и Јувентус да се разделат, бидејќи Германецот веќе има неколку понуди, најмногу од МЛС лигата.

„Бјанконерите“ нема да му стојат на патот и најверојатно ќе му дозволат да си замине, па веќе бараат негов наследник, а првата желба е Емре Чан од Ливерпул.

Кедира сака да ја промени средината, а никогаш не криел дека сака кариерата да ја продолжи во САД.