ЕУ даде став за Суперлигата:Може да постои, но надвот од ФИФА и УЕФА

Европската фудбалска Суперлига денеска доби нов удар со што значително се намали можноста за формирање посебно натпреварување во кое би учествувале само најголемите и најбогатите клубови во Европа.

Имено, Суперлигата е слободна да формира сопствено натпреварување, но таа не може да егзистира под капата на ФИФА и УЕФА без претходно овластување од две организации.

„Додека Европската Суперлига како компанија е слободна да создава сопствено независно фудбалско натпреварување надвор од еко-системот на УЕФА и ФИФА, истовремено по создавањето на тоа натпреварување не може да продолжи да учествува во фудбалски натпревари организирани од ФИФА и УЕФА без претходно овластување од овие федерации“, велат од ЕУ.

Мислењето на генералниот советник доделен во овој случај, Атанасиос Рантос, не е обврзувачко, но Судот на правдата на Европската унија проценува дека неговите судии ја следат линијата на овие претходни мислења во приближно 80% од случаите. Треба да биде утврдено дали ФИФА и УЕФА ја злоупотребиле својата доминантна позиција во европските фудбалски натпреварувања со блокирање на создавање на алтернативен турнир.