Ериксен: Пред шест месеци сакав да заминам, но сега сум среќен

Данецот Кристијан Ериксен имаше тежок почеток на кариерата во Интер.

Многу се пишуваше дека ќе го напушти клубот, дури такви беа најавите и од спортскиот директор Бепе Марота. Сепак, во меѓувреме Ериксен успеа да се пронајде себеси во Интер и да стане еден од главните играчи.

Како што вели сега работите се променети и тој е среќен.

„Пред шест месеци бев пред заминување, но сега сум среќен со Конте. Добро соработуваме и сакам да останам“, изјави Ериксен.

Иако не изгледа реално, во медиумите се шпекулира дека Конте може да замине, па Ериксен доби прашање и на таа тема.

„Не знам дали ќе остане, тоа зависи од него и од клубот, заедно ќе одлучат“, одговори Данецот.