Фудбалерот на Манчестер Јунајтед, Андер Ерера, негираше дека има лош однос со менаџерот Жозе Мурињо, иако по поразот од 2:1 од Хадерсфилд во неделата британските медиуми шпекулираа за спротивното.
Зошто проблемот со улични кучиња СÈ УШТЕ постои? | Уште еден поткаст
После натпреварот со Хадерсфилд, Ерера изјави дека противникот на Јунајтед играл со поголема страст, а тоа го налути Португалецот.
Медиумите пишуваа дека Ерера е во лош однос поради изјавата која ја дал на тој натпревар, но овие шпекулации денес ги негираше фудбалерот од средината на Јунајтед.
„Имаме фантастичен однос. Она што го кажав се однесуваше на првите 30 минути од натпреварот, имаа подобар став од нас, тоа сакав да го кажам. Но, после првиот половина час игра започнавме да играме подобро и блиску бевме да извлечеме нерешен резултат, а тоа воопшто не е лошо кога ќе одиграте лошо на стартот. Сакаме тоа да го заборавиме и да продолжиме понатаму, пред нас е важен натпревар против Тотенхем и ќе се обидеме да победиме“, изјави Ерера.
Учество во игри на среќа е дозволено за лица со 18+ години. Играј одговорно!