Елмас играше еден час во поразот на Наполи од Барселона

Пријателски натпревар синоќа одиграа екипите на Наполи и Барселона, а победа оствари шпанскиот тим со резултат 2:1.

Нашиот репрезентативец Елиф Елмас одигра одлични 57 минути и доби комплименти од Карло Анчелоти кога беше заменет.

Нормално, овој натпревар не беше толку резултатски важен, но секогаш е убаво да оствариш победа.

Првиот погодок на овој натпревар беше виден во 38. минута, кога Бускетс ја донесе Барселона во водство од 1:0.

На изедначување се чекаше само четири минути, а стрелец за Наполи беше Умтити кој си постигна автогол.

Победата на Барселона ја донесе Иван Ракитиќ со гол во 79. минута. До крајот Наполи немаше сили да го изедначи резултатот.