Екс-репрезентативец на Данска заврши во затвор поради кражба на супа, сок и вино

Некогашниот репрезентативец на Данска Ники Нилсен кој во кариерата го носеше дресот на Виљареал заврши во затвор поради кражба во продавница во вреднсот од 20 евра.

Медиумите во Данска пренесуваат дека Нилсен му се заканувал на вработениот дека ќе го претепа по што бил задржан од негова страна додека не дојде полицијата. Според информациите бил уапсен за кражба на супа, сок и вино во тетрапак.

Станува збор за фудбалер кој и во минатото имал проблем со законот, па така пред десет години заврши во затвор поради напад на полицаец во Копенхаген. Неодамна беше пријавен и за напад на неговата партнерка.

Во кариерата како фудбалер дресот на репрезентацијата на Данска го носеше на три натпревари.