„Екип“ открива: Погба следната недела почнува со тренизи

Фудбалерот од средниот ред на Манчестер Јунајтед, Пол Погба, ќе се врати на тренинзите на почетокот на следната недела, пренесува „Екип“.

26-годишниот Французин ќе се обиде да биде спремен за 29-то коло од Премиер лигата кога се игра големото градско дерби против Манчестер Сити на 8 март. Сепак, најверојатен датум за играчот да се врати на теренот е 15 март, за натпреварот од 30-то коло против Тотенхем.

Оваа сезона Погба запиша само 7 настапи во Премиер лигата во кои оствари две асистенции, а причина за тоа беше повредата на глуждот.

Французинот долго време се рехабилитираше од повредата, а во јануари се одличи да оди на операција.