![](https://sportski.mk/wp-content/uploads/2024/04/Screenshot-2024-04-01-121824-850x491.jpg)
Менаџерот на Брајтон, Роберто Де Зерби кој е еден од најпосакуваните во овој момент, не ја исклучува можноста да си замине на крајот од актуелната сезона.
Италијанецот веќе со недели се поврзува со бројни клубови, бидејќи е познато дека на крајот од сезоната голем број клубови ќе менуваат тренери. Де Зерби беше поврзуван со повеќето од нив, се споменуваа Баерн Минхен, Барселона, Ливерпул, Милан, Манчестер Јунајтед…
Лига Нации: Се освен прво место ќе биде катастрофа за Македонија! ↓↓↓
„Сакам да ја задржам мојата амбиција и мотивација. Навистина живеам фудбал 24/7. На крајот на сезоната сакам да се уверам во проектот Брајтон, да го слушнам планот и ако не се чувствувам дека припаѓам во него ќе си заминам“, изјави Де Зерби.
Сепак, не треба да се бега од фактот дека во повеќето од овие клубови Де Зерби е некако повеќе „план Б“. Баерн би сакал да го врати Јулијан Нагелсман, Барселона повеќе би сакала да го задржи Чави или да го доведе Луис Енрике, па дури и Ханси Флик, додека прва опција на Ливерпул е Рубен Аморим.
Но, и во таква ситуација за Брајтон изгледаа тешко да го задржи Де Зерби, кој исто така има клаузула од околу 15 милиони евра.