Еден клуб потврди дека преговара со Балотели: Ова не е сон, туку реалност, преговараме

Maрио Балотели откако ја напушти Бреша се уште е без клуб.

Балотели судејќи според се кариерата ќе ја продолжи во Англија или Бразил. Интерес за неговите услуги покажа Васко Де Гама, додека од Англија медиумите го поврзуваа со Барсли. Од бразилскиот клуб потврдија дека преговараат со Балотели.

„Тоа не е сон, туку реалност. Работиме со менаџерот Раиола за да го доведеме Балотели“, соопштија од бразилскиот клуб.

Додека чека нов ангажман Балотели ја одржува формата тренирајќи со четвртолигаш во Италија.