Еден европски гигант е спремен да му пружи нова шанса на Ериксен

Плејмејкерот на Интер, Кристиан Ериксен пристигна во Милано, каде ќе му бидат направени детални лекарски прегледи.

29-годишниот плејмејкер доби срцев удар на првиот натпревар од ЕП против Финска. Потоа му беше направена операција и му беше вграден електричен дефибрилатор.

Веќе е потврдено дека ако Ериксен продолжи да носи дефибрилатор нема да може да игра за Интер, бидејќи правилата во Серија А не го дозволуваат тоа.

Меѓутоа, во други лиги правилата не се толку ригорозни, а Ериксен сака да ја продолжи професионалната кариера.

Холандските медиуми пренесуваат дека Ајакс е заинтересиран за Данецот и е спремен да му пружи шанса да игра и понатаму на врвно ниво.

Во Ајакс веќе има фудбалер со слични срцеви проблеми кој игра регуларно, а станува збор за Дени Блинд.