Египет го победи Чиле на отварањето на СП во ракомет

На првиот натпревар од Светското првенство, домашната репрезентација на Египет очекувано го совлада Чиле со 35:29.

Освен почетните 2:2 избраниците на Парондо во текот на целиот натпревар имаа водство и доминираа на паркетот.

Најдобри стрелци кај домашниот тим беа Елдера со шест погодоци, Јусри со пет, а Санад и Јахиа постигнаа по четири гола, додека кај Чиле се истакна Ервин Фохтман со седум погодоци.

Вториот натпревар од првото коло во оваа група се игра утре помеѓу селекцијата на Македонија и Шведска со почеток во 20:30 часот.