Дома Останати Кошарка НБА Драмата во Хјустон ја реши Бјелица со тројка со звукот на сирената, одлична вечер за Пол Џорџ (ВИДЕО)

Драмата во Хјустон ја реши Бјелица со тројка со звукот на сирената, одлична вечер за Пол Џорџ (ВИДЕО)

Изминатата вечер во НБА лигата се одиграа девет натпревари.

Сакраменто Кингс со тројката на Немања Бјелица со звукот на сирената го совладаа Хјустон со 119:118. Со овој триумф Сакраменто ја прекина низата од 10 порази во Хјустон која започна уште на 31. декември 2013 година.

Иако Рокетски поведоа со 7:3 на почетокот, Кингси брзо превземаа иницијативаа и направија пресврт на 18:10. Ја чуваше Сакраменто таа предност до крајот на првата четвртина. Во втората Хјустон констатно беше во предност, додека гостите со тројки одржуваа приклучок, на полувреме заостануваа пет поени (64:59).

Голема борба гледавме и во продолжение, екипите се менуваа во водство за во последните 12 минути Сакраменто да води со 94:93. Се играше кош за кош во последната четвртина. Неизвесно беше и во последната минута (113:113). Со тројката на Меклемор Хјустон поведе со 116:113, но на осум секунди до крајот Хилд изедначи.

Во последните секунди Вестбрук се понадева и дека донел победа на Рокетси (118:116), но Бјелица со звукот на сирената погоди тројка за големо славје на Кингси.

Бледи Хилд забележа 26 поени, 4 скока и 6 асистенции, херојот Бјелица натпреварот го заврши со 16 поени, 5 скока, 4 асистенции и 3 украдени топки. Кај Хјустон Вестбрук оствари учинок од 34 поени, 3 скока и 8 асистенции, Харден запиша 27 поени, 4 скока и 10 асистенции.

Треба да се истакне и одличната вечер на Пол Џорџ во победата на ЛА Клиперси на гости кај Индијана од 110:99. Џорџ ги предводеше Клиперси со 36 поени, 9 скокови и 5 асистенции.

НБА резултати:

Индијана – Клиперси 99:110

Бостон – Кливленд 110:88

Чикаго – Торонто 92:93

Хјустон – Сакраменто 118:119

Милвоки – Орландо 110:101

Њу Орлеанс – Детроит 103:105

Феникс – Минесота 125:109

Јута – Оклахома 90:104

Голден Стејт – Мемфис 102:110

Коментари
Прочитајте поврзани статии
Load More In НБА

Проверете

Елмас повторно во Турција и тоа во најголемиот ривал на Фенер?!

Ако им веруваме на турските медиуми Елиф Елмас во овој преоден рок би можел да се врати во…