Дончиќ „потфрли“ ама Далас ја прегази Минесота, Денвер и Јокиќ изненадени од Торонто 🎥

Далас маверикс стигна до победа против Минесота со 128:108, иако Лука Дончиќ одигра натпревар под своето ниво.

Против Минесота Дончиќ не прикажа игра каква што навикнавме да гледаме од него. Словенецот беше „покриен“ од Кристапс Порзингис кој натпреварот го заврши со 29 поени и девет скока. Дончиќ одигра натпревар во кој постигна 15 поени, поедели четири асистенции и запиша исто толку скока.

Јута џез стигна до убедлива победа против Бруклин со 118:88. За Јута најмногу помогна што кај Бруклин отсуствуваа трите најголеми ѕвезди, Дурант, Ирвинг и Харден. Најефикасен во таборот на Јута беше Донован Мичел со 27 поени, Џонсон со 23 на спротивната страна.

Изненадување е убедливиот пораз на Денвер на гости кај Торонто (111:135). Во овој натпревар потфрлија двајцата најдобри кај гостите. Јокиќ и Џамал Мареј постигнаа по 20 поени. Сиакам и Ануоби со по 27, односно 23 поени беа најефикасни кај противницците.

НБА РЕЗУЛТАТИ: Индијана – Детроит 116-111, Милвоки – Бостон 121-119, Торонто – Денвер 135-111, Чикаго – Кливленд 94-103, Хјустон – Шарлот 97-122, Минесота – Далас 108-128, Оклахома – Мемфис 107-116, Орландо – Феникс 112-111, Сан Антонио – ЛА Клиперс 101-134, Сакраменто – Атланта 110-108, Јута – Бруклин 118-88.