Ди Марија најави заминување од репрезентацијата

Аргентинскиот репрезентативец Анхел Ди Марија планира да се повлече од селекцијата по настапот на Копа Америка.

„На Копа Америка последен пат кога ќе го носам дресот на Аргентина. Со сета болка во душата и со грутка во грлото се збогувам со најубавото нешто што ми се случи во кариерата. Им благодарам на навивачите, на семејството, на пријателите и соиграчите. Продолжуваме да пишуваме историја. Напред, Аргентина!“, изјави Ди Марија.

До сега Ди Марија одигра 134 натпревари за Аргентина, а ја освои Копа Америка во 2021 година и Мундијалот во 2022 година.