Директорот на Јувентус под истрага за „случајот Суарез“

Спортскиот директор на Јувентус, Фабио Паратичи официјално е под истрага од Јавното обвинителство на Италија за случајот „Суарез“.

Уругваецот имаше договор со Јувентус и требаше да полага тест за добивање на италијански пасош во Перуџа.

Подоцна се дозна дека предвреме му биле дадени прашањата и одговорите за тестот за познавање на италијански јазик со цел Суарез „нелегално“ за добие италијански пасош.

Обвинителството денес соопшти дека истрагата покажала дека Јувентус, на највиско институционално ниво се обидел да го забрза процесот со кој Луис Суарез требал да добие италијански пасош.

Директорот Паратичи е обвинет за вмешаност во „криминални активности“, претходно судот во Италија го суспендираше ректорот на Универзитетот во Перуџа, сега спортскиот директор ќе мора да се брани на суд.

Доколку се докаже вмешаност на Паратичи во скандалот, на Јувентус ќе му биде изречена казна.