Дибала му објаснил на Роналдо зошто го мразат во Аргентина

Аргентинскиот фудбалер Паоло Дибала порача дека сега се чувствува добро откако пред две недели беше потврдено дека е заразен со коронавирусот.

Дибала беше третиот играч на Јувентус заразен со Ковид-19, позитивни на тестирањето беа тој и неговата девојка. Двајцата веќе две недели се во изолација и она што е најважно добро се чувствуваат.

„Многу кашлав и бев уморен. Навечер кога ќе легнев ме тресеше грозница. Се обидов да останам смирен и ги следев пораките од докторите. Сега се чувствувам многу подобро и симптомите скоро и да поминаа“.

Објасни и зошто неговиот соиграч Роналдо го мразат голем број Аргентинци.

„Разговарав повеќе пати со него на различни теми. Еднаш му кажав – Кристиано ние во Аргентина те мразиме малку поради начинот на кој играч, одиш, се однесуваш…За Аргентинците Меси е број е еден и јасно му беше зошто не е баш драг во мојата земја“, изјави Дибала.