Де Лихт дефинитивно ја одби Барселона!

Капитенот на Ајакс, Маријас де Лихт дефинитивно ја отфрлил можноста да се пресели во Барселона, пренесува „Кадена Сер“.

19-годишниот дефанзивец е посакуван од многу европски гиганти, а сега откако Барса „отпадна“, во трката за неговиот потпис се уште три клуба.

Менаџерот на младиот фудбалер, Мино Раиола ги извести челниците на Барселона дека неговиот клиент нема да ја разгледува нивната понуда без разлика што тие се договорија со Ајакс и дека Матијс де Лихт не сака да се пресели на „Камп Ноу“.

Причината за ваквиот потег на Де Лихт е малата плата која ја нуди Барселона, само шест милиони евра годишно, што е за седум милиони евра помалку од понудата на ПСЖ.

Токму ПСЖ важи за најголем фаворит за неговиот потпис, а во трката се уште Јувентус и Баерн Минхен.

? Matthijs de Ligt rejects Barcelona, despite the Catalans reaching a deal with Ajax! PSG, Juventus & Bayern offers more appealing. [Cadena SER] pic.twitter.com/FzaFf6Krou

— Adriano Del Monte (@adriandelmonte) June 18, 2019