![](https://sportski.mk/wp-content/uploads/2024/04/mbape.jpg)
Денес продолжуваат натпреварите во Лигата на шампиони, а дербито се игра помеѓу Барселона и ПСЖ.
Барселона изненади во првиот меч
Барселона оваа сезона игра топл-ладно и буквално не се знае што може да се очекува од тимот на Чави. Во првиот дуел во Париз беа аутсајдери, но го одиграа најдобриот меч во сезоната и успеаа да слават со 3:2. Сепак, ништо не е готово и Чави најави дека на Монжуик ги чека нов турбулентен меч и дека фудбалерите ќе мора да го остават срцето на терен за да се пласираат во полуфинале. Во првиот меч во Париз се види колку за овој тим е значаен Педри, кој сега се очекува да биде на терен од првата минута. Колку и Барса да има млад тим, сепак во ДНК на овој клуб се големите натпревари и Барса секогаш игра најдобро кога е најпотребно. На Каталонците сега ќе им биде доволно и реми за пласман во полуфиналето, но сигурно ќе одат на победа.
ПСЖ потфрли кога е најпотребно
Лига Нации: Се освен прво место ќе биде катастрофа за Македонија! ↓↓↓
Како и многу пати до сега, ПСЖ потфрли кога е најпотребно и покажа дека не игра на нивото во најзначајните натпревари. Загуби на домашен терен, иако имаше водство од 2:1 и поддршка од домашните навивачи. Мбапе целосно потвфрли во првиот меч, па ова ќе биде додатен мотив за него дека е зрел да го поведе тимот кога е најпотребно. Секако дека ПСЖ не го кажал последниот збор и дека може да победи на гостински терен и ќе се бори до самио крај. Со оглед на фактот дека титулата во Франција е на дофат, секако дека ова за нив е најважниот меч во сезоната и ќе бидат додатно мотивирани. Луис Енрике одлично ја познава Барселона и ги знае слабите страни, па ќе се обиде да го искористи тоа.
Очекување
Дуел на два тима кои играат отворен фудбал, гостите нема што да калкулираат, а тоа е предуслов за нов возбудлив меч и богат со голови.