Дарко Тасевски започнува тренерска кариера

Дарко Тасевски неодамна се пензионираше од активното играње фудбал, а сега е потврдено дека во клубот каде што ја заврши играчката кариера, ќе започне тренерска.

Последен клуб на Тасевски бше Славија Софија и токму тука Македонецот ќе биде прв асистент на тренерот, Хозе Марио Бакеро.

Тасевски поседува УЕФА-лиценца за помошник-тренер и за ова ќе биде прв ваков предизвик. Во Славија Софија, Тасевски помина четири сезони и собра вкупно 55 натпревари во тие настапи постигна пет гола.

Своевремено Тасевски беше дел и од македонската репрезентација за која одигра 45 натпревари.