Спектакл во Каиро: Данска после пенал-драма во полуфинале🎥

Данска по подобро изведување на пенали го победи Египет и се пласира меѓу најдобрите четири на Светското првенство.

Данците имаа фантастично прво полувреме, во кое имаа три гола предност, но Египет се врати во второто полувреме, па дури имаше и напад за победа во последните секунди. Меѓутоа, натпреварот замина во продолженија со резултат 28:28.

Данска подобро ги отвори продолженијата и после првите пет минути имаше два гола предност. Египет во вторите пет минути успеа да ја анулира предноста па во последните секудни израмни на 34:34.

Ни после дополнителните десет минути немаше победник, па победникот се реши на пенали, каде херој за Данците беше голманот Ландин, кој одбрани два пенали.