Дали Азар со ова најави заминување од Челзи!?

Еден Азар оваа сезона повторно е еден од најдобрите фудбалери во Премиер лигата, па поради тоа повторно почнаа шпекулациите за негов трансфер во Реал Мадрид.

Не е тајна дека Зинедин Зидан е голем симпатизер на Белгиецот и сака да го донесе на „Сантиаго Бернабеу“.

Азар за медиумите изјави дека моментално е фокусиран на Челзи и освојувањето на титулата, но не знае што носи иднината.

„Моментално нема преговори за нов договор, фокусиран сум само на оваа сезона и да ги исполниме зацртаните цели. Не размислувам за нов договор, знам дека имам уште две, три години. Сакам да ја освојам титулата, а потоа ќе размислувам за иднината“, изјави Азар.

Овие зборови ги загрижија сите во Челзи бидејќи медиумите тврдат дека Азар не е заинтересиран за нов договор, па неговото останување на „Стенфорд Бриџ“ е под знак прашалник.