„Гужва“ за потписот на Бен Арфа, а тој сака во Шпанија

Еден од најконтроверзните фудбалери, фудбалерот кој го носи прекарот „лошото момче на францускиот фудбал“ би можел да направи трансфер во шпанската Примера.

Хатем Бен Арфа се наоѓа во преговори со Севиља, пренесува „Мундо Депортиво“.

Шпанскиот весник наведува дека спортскиот директор на клубот од Андалузија, Хоакин Капарос е сериозно заинтересиран за офанзивниот играч за врска, но тренерот Пабло Мекин не е премногу воодушевен.

Се наведува дека Французинот е спремен да игра и за помала плата, а покрај Севиља интерес за неговите услуги покажаа уште Виљареал и Валенсија.

Бен Арфа го привлече вниманието и на Бешикташ, Галатасарај, Динамо Киев, Фламенго и Тигре, но тој сака исклучиво во Примера.

Пари Сен Жермен без проблем ќе го пушти да замена бидејќи во изминатата сезона Бен Арфа не одигра ниту една минута за францускиот шампион.