Гризман веќе го договорија: Останува во Шпанија, благодарение на договорот кој НЕ се одбива?!

Барселона смисли стратегија за следните два преодни рока, најпрво во јануари ќе се обиде да го донесе Филипе Кутињо од Ливерпул, во што не успеаа изминатото лето, а потоа по завршување на сезоната ќе се насочат кон ангажирање на францускиот репрезентативец, од редовите на „Јорганџиите“, Антоан Гризман.

Овој 26-годишен фудбалер со Атлетико се договори неговата откупна клаузула да изнесува 100 милиони евра, а Барселона е како што се наведува, подготвена да издвои толку за неговите услуги.

Во приказната и натаму е Манчестер Јунајтед, но бројни медиуми од Шпанија на пол позицијата за неговиот потпис го посочуваат токму клубот од Каталонија.

Доколку би се одлучил за Барселона, Гризман би заработувал, 20 милиони евра по сезона и би станал вториот најплатен играч на „Камп Ноу“ по Лео Меси, а тоа тешко би можело да се одбие.

Барселона како што се вели, веќе подготвила петгодишен договор, а за да обезбедат средства веќе договориле и неколку продавања.

Се очекува, Каталонија да ја напуштат, Андре Гомеш, Арда Туран, Вермален, Пако Алкасер, Рафиња и Маскерано, некои од нив веќе во јануари би ја напуштиле Барса.