Градоначналникот на Неапол: На Игуаин ќе му требаат 1.000 полицајци за да се прошета низ градот!

Гонзало Игуаин ова лето за 90 милиони евра се пресели во екипата на Јувентус и така стана најомразената личност во Неапол.

Градоначалникот на Наполи зборуваше за „предавникот“ и му порача на Игуаин да биде претпазлив кога ќе дојде со Јуве на гостување во тој град.

„Навивачите имаа неверојатен однос со него. Кога се реши за трансферот мислам дека многу работи паднаа во вода. Колку и да звучи сурово, но Пипита нема да може слободно да се прошета низ Неапол кога би посакал. Ќе мора да има илјадници луѓе околу него и детектор за метал за да може да го направи тоа“, вели градоначалникот.

По сезоната во која постигна неверојатни 36 гола во дресот на Наполи, Игуаин се одлучи за незамисливото и се пресели во Торино каде го облече дресот на големиот ривал.