Го отпишавте!? – Марио Балотели никогаш подобар!

Се уште не завршил ни јануари, а Марио Балотели собори рекорд…

Марио Балотели во досегашниот дел од сезоната постигна 19 погодоци што е негов најдобар голгетерски учинок во една сезона во професионалната кариера.

Во првата сезона во Интер кога имаше 17 години, постигна седум погофоци, во втората 10, во третата 11.

Во својата дебитантска сезона во Премиер лигата 10 пати беше стрелец во сите натпреварувања, во втората 18, во третата полусезоната ја заврши со три после што премина во Милан и до крајот на сезоната за „росонерите“ постигна 12 погодоци. Во втората сезона во дресот на Милан постигна 18 погодоци што беше негов најдобар учинок до сега.

Во дресот на Ливерпул беше блед и постигна само четири гола на 28 настапи, ништо подобар не беше ниту во вториот мандат во Милан, три гола на 23 натпревари.