Го напушти Европското првенство за да потпише за Јувентус

На изненадување на сите, Патрик Шик (21) ова утро се појави во Торино.

Напаѓачот на репрезентацијата на Чешка во моментов се наоѓа во Торино каде што ги прави медицинските прегледи, по што се очекува и официјално да потпише договор со Јуве.

Тоа што ги изненади сите е тоа што младиот фудбалер го напушти кампот на својата репрезентацијата која се натпреварува на Европското првенство за играчи до 21 година и пристигна во Торино ден по триумфот над Италија (3:1).

Трансферот на Шик во Јувентус одамна беше завршена работа, пред неколку дена тоа го потврди и првиот човек на Сампдорија, Масимо Фереро.