Готово: Јувентус го договори бразилскиот талент

Италијанските медиуми пренесуваат дека Јувентус постигнал договор со Сантос за трансфер на големиот талент Кајо Жорге.

Овој 19-годишен напаѓач важи за најголен талент во Бразил, а неговиот договор со Сантос истекува во декември.

Иако Милан важеше за голем фаворит за неговиот потпис, сепак Јувентус успеа да ја победи конкуренцијата.

„Газета дело Спорт“ пренесува дека „бјанконерите“ постигнале комплетен договор со агентите на Кајо Жорге и го известиле Сантос за тоа.

Јувентус ќе плати 4 милиони евра за да го добие играчот веднаш, а Сантос ја прифатил понудата. Бразилецот следната недела ќе пристигне на прегледи во Торино.