Гвардиола: Натпреварот со Ливерпул е како претседателските избори во САД

Менаџерот на Манчестер Сити Пеп Гвардиола даде интересна изјава пред дербито со Ливерпул.

Пеп во недела ќе го пречека Ливерпул во дербито од осмото коло во англиската Премиер лига и ќе биде добра прилика да покаже дека е зрел за борбата за титулата.

Но, дефинитивно ова ќе биде најтешкиот испит за „граѓаните“. Пеп е свесен за важноста на овој натпревар, но потенцира дека не е се во еден натпревар.

„Тоа е важен натпревар, но ова е како американските претседателски избори. Сите гласови мораат да бидат преброени. Има многу натпревари до крајот, рано е да се зборува за тоа кој ќе биде шампион“, изјави Гвардиола.