Гвардиола му нуди нов договор на Фернандињо

Раководството на Манчестер Сити ќе му предложи нов договор на 36-годишниот бразилски фудбалер, Фернандињо.

Очекувањата беа дека ветеранот ќе го напушти Манчестер Сити на крајот на сезоната, бидејќи неговиот договор истекува следниот месец.

Меѓутоа, Гвардиола смета дека Фернандињо е многу важен фудбалер како на теренот, така и во соблекувалната, па Сити ќе му предложи нов договор.

Бразилецот пристигна во Сити во 2013 година од Шахтјор за сума од 40 милиони евра и во сите сезони игра една од клучните улоги во тимот.