Гатузо има вистински бисер: 16-годишник постигна два прекрасни гола и испиша историја во Хајдук 🎥

Екипата на Хајдук со 4:1 славеше против Горица на „Пољуд“ и така стигна до четвртата победа во низа со која се искачи на врвот на табелата.

Избраниците на Џенаро Гатузо одиграа одлично пред својата публика, а посебно се истакна 16-годишниот Бруно Дурдов.

Младиот фудбалер постигна два прекрасни погодоци, но и стана најмладиот стрелец во историјата на гигантот од Сплит.

Според најавите на хрватските медиуми се очекува Дурдов во иднина да добие поголема улога во тимот на Гатузо.