Газдата на ПСЖ даде јасен одговор за иднината на Нејмар и Мбапе

Фудбалерите на ПСЖ вчера во луда завршница после неверојатен пресврт остварија победа против Аталанта во Лигата на шампионите.

После натпреварот следуваа изјави од играчите и тренерите на ПСЖ, но без изјава не помина и првиот човек на овој клуб Насер Ал Келаифи.

Тој не зборуваше за пресвртот и победата, туку одговори на прашањето поврзано за Нејмар и Мбапе, поточно за нивното останување во клубот.

„Дали ќе го продолжиме договорот на Нејмар? Секако и на него и на Мбапе. Ниту еден од нив двајца нема да продадеме“, јасен беше газдата на ПСЖ.

По оваа изјава клубовите кои покажуваа интерес за двете ѕвезди на клубот од Париз полека можат да се свртат кон други играчи.