Во трка со времето: Јунајтед до крајот на преодниот рок ќе се обиде да го донесе Ериксен

Се уште не е позната судбината на Пол Погба, но во Јунајтед не сакаат да седат со скрстени раце.

Спремни се да донесат нов играч од средниот ред, а прв на мета е Кристијан Ериксен.

Тој веќе подолго време е на излезните врати на Тотенхем, а за него се интересира и Реал Мадрид, како и уште неколку други клубови.

Сепак, се чини дека официјална понуда за него ќе испрати Манчестер Јунајтед, а тоа мора да го направи експресно брзо.

Имено, остана уште два дена до крајот на преодниот рок, а цената за Ериксен е 130 милиони евра.

Како што пренесуваат англиските медиуми, Тотенхем е спремен на компромис и да ја спушти цената бидејќи сака да го продаде.

Останува да видиме дали Јунајтед ќе успее да го заврши овој трансфер во наредните два дена.