Во Дортмунд убедени дека Санчо останува: Никој не сака да ризикува

Во Борусија Дортмунд не се загрижени дека можат на крајот од сезоната да останат без Џејдон Санчо.

Англискиот фудбалер благодарение на одличните игри стана желба на бројни великани и скоро да не поминува ден да не се шпекулира за евентуален трансфер.

Сепак, во Дортмунд не се загрижени по тоа прашање. Најмногу поради кризата со пандемијата коронавирус.

„Ниту еден клуб, дури и од Англија, нема да ризикува со толку голем и скап трансфер ова лето. Не сакам да предвидувам бидејќи ситуацијата се менува од ден во ден. Моментално е така, големи средства нема да се трошат следните месеци.“ – изјави директорот на Борусија, Зорц.

Санчо со Борусија Дортмунд има важечки договор до 2022. година, а во актуелната сезона постигна 17 погодоци и 19 асистенции.

Се шпекулира дека Борусија за неговиот играчки картон ќе бара повеќе од 100 милиони евра.