Во Атлетико не можеше поради Годин, но во Интер Врсаљко си го доби омилениот број

Хрватскиот репрезентативец, Шиме Врсаљко вчера ја официјализираше соработката со „нероаѕурите“ и во таа прилика го одбра и бројот во новиот клуб.

После две сезони поминати во Атлетико Мадрид, Шиме Врсаљко се враќа во Серија А.

„Јорганџиите“ го позајмија на Интер кој ќе плати 6.5 милиони евра, со тоа што Италијанците имаат и право на откуп наредното лето за сума од 17.5 милиони евра.

Интер денес на својата официјална страна откри и дека Врсаљко во клубот од „Џузепе Меаца“ ќе го носи дресот со број „два“, а навивачите се надеваат дека со неговото доаѓање конечно ќе биде решена позицијата на десен бек која е проблематична уште од заминувањето на Занети и Маикон.

Врсаљко во Атлетико не можеше да ја носи „двојката“ со која го носи дресот на репрезентацијата, бидејќи таа е во сопственост на Диего Годин.

? | What number has @Vrsaljko picked? ?⚫️?#WelcomeVrsaljko #InterIsHere pic.twitter.com/UOg0gg5PqQ

— Inter (@Inter_en) August 2, 2018