ВМФЛ: Победи на Вардар, Воска, Гостивар и Пелистер

Водечките екипи во македонската втора лига без проблеми славеа победи во рамките од 22-то коло.

Лидерот Вардар на стадионот „Борис Трајковски“ ја совлада Каменица Саса со 3:0. Десниќ во првото полувреме донесе водство на вардарци, додека во финишот Размоски и Митев ги поставија конечните 3:0.

Воска Спорт на гости кај Слога Виница забележа триумф од 1:3, додека Гостивар со 0:3 ја совлада Беласица во Струмица, па така го одржаа чекорот со лидерот.

Пелистер дома беше подобар од Детонит со 2:0.

ВМФЛ РЕЗУЛТАТИ:

Вардар – Каменица Саса 3-0

Охрид – Борец 2-0

Слога Виница – Воска спорт 1-3

Беласица – Гостивар 0-3

Тетекс – Беса 1-2

Пелистер – Детонит 2-0

Арсими – Караорман 3-1

Кожуф – Локомотива Скопје 2-1