Витсел открива: Бил на чекор од Јувентус ги поминал и леркарските прегледи

Белгискиот фудбалер и член на Борусија Дортмунд Аксел Витсел во разговор за „Гоал“ откри дека своевремено можел да направи трансфер во Реал Мадрид, Манчестер Јунајтед, ПСЖ и Јувентус.

Витсел денес има 30 години и полека влегува во залезот на својата кариера. Во времето кога ја напушташе Бенфика во 2012 година можеше да бира каде да ја продолжи кариерата, но тој се одлучи за Зенит и тоа не се покажа како добар потег. Таму ги помина годините кога требаше да игра на највисоко ниво, а потоа замина во Кина.

Брзо се врати во Европа и го облече дресот на Борусија Дортмунд, сега кога е на залезот на кариерата откри каде можел да премине.

„Можев да направам трансфер во Реал Мадрид додека тренер беше Мурињо. Но, во тој момент Реал го доведе Лука Модриќ и сметав дека нема потреба и јас да дојдам. Неколку дена пред крајот на трансфер периодот Зенит ме повик. Имав добар разговор со луѓето во клубот и дојде до договор“, изјави Витсел.

Кога бил слободен играч бил блиску до преминување во Јувентус.

„Мојот договор со Зенит истекуваше и сакав да направам трансфер во Јувентус. Дури и ги поминав лекарските прегледи и требаше само да потпишам договор. Цел ден чекав во канцеларијата, а потоа ме повикаа од Зенит и ми кажаа да се вратам. Така требало да биде“, откри Белгиецот.