Видео: Стерлинг погоди за победа, но Менди му го „украде“ шоуто – Со скинати лигаменти претрча половина терен!

Манчестер Сити во средата запиша победа над Саутемптон од 2:1 во рамките од 14 коло во Премиер лигата.

Завршницата на натпреварот беше навистина драматична, а Сити благодарение на голот на Рахим Стерлинг во петата минута од судиското продолжение успеа да стигне до посакуваните три бода.

После победничкиот гол избраниците на Пеп Гвардиола тргнаа да прослават, а веројатно многумина не го забележаа лудото славје на Банџамин Менди, 23 годишниот Французин  кој е надвор од терените откако го скина лигаментите.

Откако Стерлинг успеа да погоди, Менди не се воздржа и тргна да трча кон соиграчите, можеше да се забележи дека поткривнуваше, но неговиот потег ги воодушеви навивачите, а тој стана хит на друштвените мрежи.

„Ги скинав лигаментите, но кому му е гајле за тоа после победничкиот гол, погледнете како трчам“, напиша Менди на својот Твитер профил.

Ruptured ACL but who cares after a 95th minute winner ???? #LookAtMeRunning ??? pic.twitter.com/kphW7mNZTH

— Benjamin Mendy (@benmendy23) November 29, 2017

Hahaha @benmendy23 getting Sterling on his Snapchat and the game hadn’t even finished ???? pic.twitter.com/vQn7mT42zg

— The Away Fans Videos (@TheAwayFansVids) November 29, 2017