(Видео) Донадони: Ние никогаш не би добиле таков пенал, Интер заслужи да биде поразен!

Екипата на Интер ги испушти првите бодови во новата сезона, тимот на Лучијано Спалети одигра 1:1 на гостувањето против Болоња.

Од една страна во редовите на Интер можат да бидат и задоволни со ремито, бидејќи „нероаѕурите“, имаа негатива од 1:0 се до 77 минута кога од пенал погоди Мауро Икарди.

Токму, пеналот од кој Интер дојде до изедначување беше предмет на коментирање утрово во Италија, а тренерот на домаќините даде интересна изјава.

„Бевме подобри од Интер. Пеналот? Искрено се надевам, но не верувам дека ние можеме да добиеме таков пенал против Јувентус, Наполи, Рома или Милан. Не може несреќна ситуација да предизвика пенал! Мбаје изгуби рамнотежа. Дали би досудиле ваков пенал во наша корист? Не знам, не сум сигурен“, изјави Роберто Донадони.