Видео: Без победник во дербито – Ибраими му одговори на Грнчаров

Вардар и Шкендија одиграа одлично дерби во Тетово кое заврши без победник со резултат 1:1.

Резултат повеќе и одговара на Шкендија која ја задржи разликата на табелата од 8 бода на стартот на пролетниот дел.

Двата тима создадоа многу шанси, публиката гледаше возбудлив натпрвар, а головите стигнаа во последните дваесетина минути.

Резултатот конечно беше отворен во 78-та минута кога по нафрлување од корнер топката стигна до Грнчаров кој ја смести во мрежата.

Само некколку минути подоцна Ибраими од шеснаесетникот шутираше прецизно и го постави конечниот резултат.