Видео: Баварците како по ноти, Леверкузен се спаси

Баерн продолжува со победите и во 12-то коло беше убедлив на домашен терен против Аусбург. Леверкузен се спаси од пораз, сигурна победа на Волфсбург.

Баерн игра фантастично под водство на Јуп Хејнкес, а овој пат главни ѕвезди кај Баварците беа Роберт Левандовски и Артуро Видал.

Аусбург одолеваше на нападите цели 30 минути, кога после една мешаница во петерецот најспретен беше Видал кој погоди за 1:0. Само неколку минути подоцна Чилеанецот одлично го проигра Левандовски кој зголеми на 2:0. Полјакот на почетокот на второто полувреме ги постави конечните 3:0.

Лајпциг и Леверкузен одиграа фантастичен меч кој заврши без победник (2:2). „Фармацевтите“ од пораз ги спаси искусниот Воланд во последните минути од натпреварот. Варнер од пенал донесе почетно водство за гостите, но на полувреме се замина со 1-1, откако гол за „фармацевтите“ постигна Бајли во 44-та минута. Форсберг му донесе водство на Лајпциг од 1:2, но домаќините на крајот успеаа да израмнат.

Волфсбург запиша сигурна победа од 3:1 против Фрајбург. Минимална победа за Мајнц 05, откако на домашен терен со 1-0 славеше над Келн, додека Ајнтрахт Франкфурт одигра 1-1 на гостувањето кај големиот фаворит Хофенхајм.