Ван Дајк: Ние не сме роботи!

Дефанзивецот на Ливерпул, Вирџил Ван Дајк, призна дека тимот направил премногу грешки во одбраната, што противник како Реал знаеше да ги казни.

„Црвените“ доживеаа дебакл на домашен терен и загубија со 2:5, а Ван Дајк не му дава шанса на неговиот тим во реваншот.

„Нашата мисија во Мадрид е речиси невозможна, но кога ќе дојде моментот, ќе се концентрираме и ќе го претставиме клубот најдобро што можеме.Разочаран сум од начинот на кој загубивме и поради тоа што не си оставивме шанса за реваншот. Сега единиствено можеме да останеме сплотени и да го прифатиме поразот како колектив“.

„Игравме против Реал Мадрид, тим кој има квалитетни играчи на секој дел од теренот. Можат да ја казнат секоја грешка и тоа го направија, особено во второто полувреме. Јасно е дека направивме грешки кои не треба да ги правиме. Но, тоа се случува во фудбалот. Ние не сме роботи. Понекогаш се случуваат грешки“, изјави Ван Дајк.