Валверде што ли ти требаше ова?!

Барселона вечерва игра против Бетис и ќе се обиде првенството да го стартува со победа.

По очајните изданија во Суперкупот на Шпанија против Реал Мадрид, Барселона се насочи кон првенството, а првиот меч ќе го игра против Бетис. Барселона без сомнеж е голем фаворит, но составот кој вечерва ќе заигра во дресот на Каталонците некако не делува доволно силен.

Навикнати сме на супермоќен состав на Барселона, но поради суспензиите и повредите, Валверде ќе мора да изнесе малку комбиниран состав.

На голот ќе биде Тер Штеген, стоперите Маскерано и Умтити, бекови се Видал и Алва, а потоа напред Бускетс, Ракитиќ и Серџи Роберто, додека во нападот ќе бидат Меси, Алкасер и Деулефу.

Нејмар замина во ПСЖ, Суарез е повреден, Иниеста исто така, го нема ниту Рафиња и затоа овој состав на Барселона барем за шпанските медиуми делува „слаб и еден од најлошите во последните неколку години“.