Братот на Погба излезе од затвор, но не смее да има контакт со Пол

Братот на францускиот фудбалер Пол Погба, Матијас, е пуштен на слобода по неколку месеци во затвор. 

Матијас Погба, како и уште тројца осомничени, беа уапсени во септември под сомнение дека се обиделе да изнудат пари од Пол Погба.

Матијас го напушти затворот утринава, потврди неговиот адвокат, но му е забрането да има контакт со осомничените за уцена и изнуда против Пол Погба. Исто така, му е забрането да има контакт со неговата мајка и братот Пол. Не смее да ја напушти државата или да објавува статуси на социјалните мрежи.

Пол Погба своевремено на обвинителството му пренесе дека бил киднапиран од страна на неколку лица, а едно од нив бил неговиот брат, притоа му барале 13 милиони евра.