Дефанзивецот на Баерн Минхен, Жером Боатенг изјави дека е почестен што интерес за него пројави Жозе Мурињо, и јавно му се заблагодари за понудата да се пресели во Манчестер Јунајтед.
Зошто проблемот со улични кучиња СÈ УШТЕ постои? | Уште еден поткаст
Германскиот дефанзивец притоа откри дека лично му телефонирал на Жозе Мурињо за да му објасни зошто го одбива Манчестер јунајтед.
„Му се јавив на Мурињо и му реков дека сум почестен поради интересот и неговата голема упорност да ме ангажира Манчестер Јунајтед. Му ги објаснив причините зошто не ја прифатив понудата“, изјави Боатенг.
„Тешко е да се напушти Баерн, кој е еден од најголемите клубови во светот, особено откако тренер е Нико Ковач кој ме увери дека сум многу важен за тимот. Имав понуди од ПСЖ и Манчестер јунајтед и ги разгледував, но на крајот одлучив да останам“, додаде дефанзивецот.