Дома Трансфер зона Барселона ја добила првата официјална понуда за Кутињо

Барселона ја добила првата официјална понуда за Кутињо

Бразилецот Кутињо скоро сигурно ќе ја напушти Барселона ова лето.

Кутињо на почетокот на 2018 година стигна во Барселона како големо засилување од Ливерпул за неверојатни 160 милиони евра. Бразилецот стана најскапо засилување во историјата на Каталонците, но не ги оправда очекувањата.

Куман му даде шанса на Кутињо да се докаже, но Бразилецот не ја искористи и не воодушеви со своите настапи. Скоро цел втор дел од сезоната го пропушти поради повреда и јасно станува дека повеќе нема да заигра за Барселона.

„Марка“ сега објави дека Барселона ја добила и првата официјална понуда и станувало збор за француски Марсеј. Марсеј е спремен да започне преговори за Кутињо и одлучни се за да издвојат околу 30 милиони евра за негово доведување што е многу помалку од она што Барса го плати за него.

Покрај Марсеј интерес за Кутињо покажале уште Евертон и Арсенал, меѓутоа од овие клубови конкретни понуди се уште немало.

Коментари
Прочитајте поврзани статии
Load More In Трансфер зона

Проверете

Рамос го шокирал Малдини со своите барања

Серхио Рамос вчера и официјално се прости од Реал Мадрид. Овој искусен дефанзивец во дресо…